Безнекеләр — край командасында
8 еннән 12 июльгә кадәр Нововоронеж шәһәрендә Х Бөтенрәсәй җәйге авыл спорт уеннары үтте. Пермь крае командасы составында безнең район спортчылары да бар иде, алар — Төнгүк авыл поселениесе көрәшчеләре билбау көрәшендә алыштылар. Нәтиҗәдә Айдар Маматов, Марс Сайбаталов, Резеда Сайбаталова үзләренең авырлык категорияләрендә бишенче урынны яуладылар, ә Айгөл Йосыпова ярышларның бронза призеры булды. Көрәшчеләр командасы очколар саны буенча җиденче урынга чыкты. Ярышларда катнашкан 66 регионнан килгән командалар арасында Пермь крае 14 урынны яулады. Радик ЛАТЫЙПОВ.









