Күптән түгел гимназиядә стритбол буенча ярышлар үтте. Бу Барда районы өчен яңа спорт төре. Аны башкача «урам баскетболы» дип атыйлар. Командаларда 3 әр кеше катнаша, бер боҗрага уйныйлар. һәм ул «Гимназия кубогы» буларак үткәрелде.
Ярышларда 15 команда катнашты. Урыннар түбәндәгечә билгеләнде: 1996-1997 елгы егетләр арасында беренче урынны «Булс» командасы яулады (гимназия), икенче урында — ‘Тала» командасы (2 санлы Барда урта мәктәбе), өченче урында — «Няшки» командасы (гимназия). 1998-1999 елгы егетләр арасында беренче урында «Пума» командасы (2 санлы Барда урта мәктәбе), икенчедә — «8АР» командасы (гимназия), өченчедә — «Барс» командасы (гимназия). Кызлар арасында 2 санлы Барда урта мәктәбе командасы җиңү яулады, икенчедә — гимназия командасы. Җиңүчеләр һәм призерлар стритбол буенча «Ак төннәр-2014» край ярышларына китәчәк.
Ярдәм иткәннәре өчен гимназия директоры Н.Г.Исмәгыйловага, спонсорлар: «Стройподряд» ОООсына, шәхсән Р.Р.Гайсинга, «Расэл» ОООсына, «Император» кибетенә һәм М.А.Тимиркинга, «Престиж» кибетенә һәм Л.Р.Тимиркинга зур рәхмәт белдерәбез. Гимназиядә стритбол буенча ярышлар традидиягә әверелер, дип ышанасы килә.
Гимназиянең физкультура укытучылары коллективы.