ҖИРГӘ тагын язлар килде. Ә язлар безгә аеруча якын һәм кадерле, чөнки 9 майда көтеп алган Җиңү таңы атты. Ниһаять канкойгыч, ачы сугыш тәмамланды.
Быел без Бөек Җиңүне 73 кат каршы алабыз. Еллар узган саен бу бәйрәмнең мәгънәсе арта гына бара. Яшь буын өлкәннәрдән ишеткән истәлекләр аша тыныч көннәрнең кадерен аңлап үсә.
Җиңү көне уңаеннан район авылларында тантаналы чаралар, митинглар оештырылды. Олысы, кечесе бер-берсен бәйрәм белән котлады, изге теләкләрен юллады. Ил-көннәребезнең тыныч, күкләребез аяз торсын, күңелдә киләсе көннәргә ныклы өмет яшәсен. Җиңү бәйрәме котлы булсын!